ਦੀਵਾਲੀ ਦੀ ਰਾਤ ਦੀਵੇ ਬਾਲੀਅਨਿ ॥
ਗੁਰਮੁਖੀ :-
ਦੀਵਾਲੀ ਦੀ ਰਾਤ ਦੀਵੇ ਬਾਲੀਅਨਿ ॥
ਤਾਰੇ ਜਾਤ ਸਨਾਤ ਅੰਬਰ ਭਾਲੀਅਨਿ ॥
ਫੁਲਾਂ ਦੀ ਬਾਗਾਤ ਚੁਣ ਚੁਣ ਚਾਲੀਅਨਿ ॥
ਤੀਰਥਿ ਜਾਤੀ ਜਾਤ ਨੈਣਨਿਹਾਲੀਅਨਿ ॥
ਹਰਿ ਚੰਦੁਰੀ ਝਾਤ ਵਸਾਇ ਉਚਾਲੀਅਨਿ ॥
ਗੁਰਮੁਖ ਸੁਖਫਲ ਦਾਤ ਸ਼ਬਦ ਸਮ੍ਹਾਲੀਅਨਿ ॥ ੬ ॥
ੴ*☬ ਵਿਆਖਿਆ ☬*ੴ
ਦੀਵਾਲੀ ਦੀ ਰਾਤ ਨੂੰ ਹਰ ਘਰ ਵਿਚ ( ਖੁਸ਼ੀ ਨਾਲ ) ਦੀਵੇ ਬਾਲੇ ਜਾਂਦੇ ਹਨ ( ਜੋ ਕੁਝ ਵਿਚ ਮਗਰੋਂ ਬੁਝ ਜਾਂਦੇ ਹਨ ) । ( ਇਸੇ ਤਰ੍ਹਾਂ ਰਾਤ ਵੇਲੇ ) ਵੱਡੇ ਛੋਟੇਤਾਰੇ ਅਸਮਾਨ ਨਿਕਲ ਕੇ ਚਮਕਾਂ ਮਾਰਦੇ ਤੇ ਲਿਸ਼ਕਦੇ ਹਨ , ( ਪਰ ਦਿਨ ਚੜ੍ਹਦੇ ਹੀ ਖਤਮ ਹੋ ਜਾਂਦੇ ਹਨ ) । ਬਾਗਾਂ ਵਿਚ ਤਰ੍ਹਾਂ ਤਰ੍ਹਾਂ ਦੇ ਫੁੱਲ ਖਿੜਦੇ ਹਨ , ( ਪਰ ਕੁਝ ਚਿਰ ਹੀ ਪੂਰੇ ਖਿੜਦੇ ਹਨ ਕਿ ਮਾਲੀ ) ਉਨ੍ਹਾਂ ਨੂੰ ਚੁਣ ਚੁਣ ਕੇ ਤੋੜ ਲੈਂਦਾ ਹੈ । ਯਾਤਰੀਆਂ ਦੇ ਟੋਲਿਆਂ ਦੇ ਟੋਲੇ ਤੀਰਥਾਂ ਪੁਰ ਯਾਤਰਾ ਕਰਨ ਜਾਂਦੇਹਨ , ਤੇ ਅੱਖਾਂ ਨਾਲ ਦੇਖਦੇ ਹਾਂ ( ਕਿ ਮੁੜ ਤੀਰਥਾਂ ਨੂੰ ਖਾਲੀ ਕਰ ਆਉਂਦੇ ਹਨ ) । ਹਰਿਚੰਦਉਰੀ ਵਾਂਗ ਸੰਸਾਰ ਵਿਚ ਅਨੇਕਾਂ ਅਜੇਹੀਆਂ ਨਗਰੀਆਂ ਦੀਝਾਤੀ ( ਦਿਖਾਵੇ ਮਾਤ੍ਰ ) ਦਿਸਦੀ ਹੈ ਤੇ ਖਤਮ ਹੋ ਜਾਂਦੀ ਹੈ , ਵਸਦੀ ਤੇ ਉਜੜ ਜਾਂਦੀ ਹੈ । ( ਪਰ ਅਸਲ ਵਿਚ ) ਜੋ ਜੀਵਨ ਦਾ ਸੁਖ ਫਲ , ਸ਼ਬਦ ਦੀ ਦਾਤ ( ਪ੍ਰਭੂ ਦਾ ਸਿਮਰਨ ਤੇ ਭਜਨ ) ਹੈ , ਉਹ ਗੁਰੂ ਦੇ ਵਰੋਸਾਏ ਗੁਰਮੁਖ ਹੀ ਸੰਭਾਲਦੇ ਹਨ । ੬ ॥
No comments:
Post a Comment